CoppaItalia

Yon semèn aprè l fin elimine nan Ligue des Champions, eliminasyon yo kontinye pou ekip Juventus Turin an mèkredi 26 fevriye a Juventus te afwonte ekip Empoli a nan Juventus stadium nan, se te nan okazyon kadefinal Coppa Italia, match la fini 1-1 , Empoli pran tikè demi lfinal la nan seyans penal li genyen 4-2.

Thiago Motta ak jwè li yo te kouri dèyè eskò a aprè Youssef Maleh te mete yon bèl chout kwaze deyò sifas la se te nan 24èm minit 1-0.

Repons Juventus te vini nan 66èm minit ak entènasyonal fransè a Khephren Thuram ki te sèvi pa konpatriyòt li nan seleksyon Randal Kolo Muani, Thuram te efase yon defansè Empoli ak yon bèl trib dèyè janm li epi voye boul la nan premye poto pou te mete lajwa lakay Thiago Motta ak rès ekip la. Juventus te vin pran konfyans aprè l te fin egalize men malchans atakan yo devan gòl la sitou ak Kolo Muani ki te mete yon chout ki te twò fèm nan 78èm minit, Vlahovic te manke yon chout ki te kapab devye ekip Empoli an nan 85èm minit.

Rive nan seyans penal Vlahovic te voye pa l la anlè, gadyen an te fè echèk ak Kenan Yildiz ki fè Juventus rate de(2) penal , Empoli te reyisi 4 , sa ki ba l okazyon pou al jwe demifinal ak Bologne nan mwa avril ki ap vini la.

KÒMANTÈ

Dènye atik yo